كيفاش أزمة الكورونا أثرت على design trends 2021

كيما نعرفو و شفنا التصاميم في الأعوام الأخيرة تركزت برشاعلى الخيال العلمي و futurism، و لكن زادة كل عام التصاميم تقرب أكثر للواقع و للبشر، لين اليوم في 2021، و بعد الجائحة لي تعدينا بيها في العام لي فات و لي قلبت الموازين في كل المجالات وبدلت رُأيت الإنسان للحياة… وصلنا لتصاميم في قِمّة من البساطة و الواقعيّة ولي تتركز على تجربة المستخدم و تقَرِّب الإنسان إلى الطبيعة و التفاهم و الإجابية، في سبيل إنو الإنسان يتحفز و يكسب الثقة لبناء مستقبل أفضل،  هذا الكل في وسط مجتمع و عالم مليئ بالحزن و الفوضاء، خاصة بعد العام لي تعدينا بيه الأكثر صعوبة في القرن 21.

ولكن هذا ما يمنعش زادة إلي تصاميم هذه السنة منها زادة لي تُقرِب للخيال وتفكرنا بالصعوبات والأشياء السلبية لي مرينا بيها و هذا بش ما ننساوش الواقع المرير، وما نقعدوش نعيشو في إيجابيات وهمِيّة.

وتوا نقدمولكم graphic design trends:

1- 3D design

كيما شفنا في 2020 ضهور وبقوة التصاميم ثلاثية الأبعاد في كل مجالات التصاميم من الملصقات الإعلانية affiches, لتصاميم الويب web design، وفي كل أنواع التصاميم حتى من typography.

2- Emoji design

الرموز التعبيرية  في شكل pictograms, تكون موجودة في تصاميمنا بش نعبرو بيها على الأحاسيس، نضيفو بيها جانب المرح  بش تكون تصاميمنا friendly.

.             

3- Nature-inspired

كيما سبق وقلنا إلي تصاميم العام هذا تقرب للطبيعة و هذا بعد ما الإنسان بْعِدْ عليها في ضل التطور التكنولوجي والتمدن في الأعوام الأخيرة وبعد تجربة الحجر الصحي, إشتاق إلى الرجوع إلى أصلو وتفكر أهمية الحفاظ على البيئة.

4- Abstract psychedelia

الفن التجريدي  في مستوى و رُئيا أخرى متجذرة من المشهد الفني و الموسيقي  في أعوام ال60، في خلطة مع الإنفتاح والثورة الإجتماعية لي عشناها في الأعوام الأخيرة ولي تعزز و تنشر الحرية و تْحَرِرْ الإنسان  من كل القيود المجتمعية و التقليدية و حتى الدينية.

5- Symbol revival

رموز تجريدية وعالمية (universal) ، قوية برشا في طريقة  توصيل فكرة أو رسالة معينة, لي تتجاوز حدود اللغة و الطبيعة و المجتمع.

6- Seamless surrealism

تتركز برشا علي تركيب الصور وعلى ربط الواقع  بالخيال، ولي ضهرت في 2020 في ضل التغيير العميق لواقعنا.

7- Comics and pop art

 ضهرت  وقتلي  كانت تقنيات الطباعة  و التصميم بدائية و بسيطة، و رجعت مؤخرا مع تتطور و تقدم التقنيات هذي، و بذلك أثرت على هذا النوع من التصاميم,  و  هزتهاإلى مستوى آخر.

8- Geometric shapes

النوع  هذامن التصميم  ضهر ليه مدة وبدى  يوصل لذروته. الفكرة هو أنو نستعملو الأشكال الهندسية بكل بساطة  بش نخلقو توازن في تركيبة التصميم و بش نعطيو قيمة لعنصر أو جزء معين في التصميم.

9- Blur and grain

الهدف منو هو أنو نفصلو الخلفية background  على عناصر التصميم و نخلقو نوع من العمق بش نجمو نلعبو على ال profondeur de champ.

وهكا نكونو  وَجَّهناك كمصمم بش تُحْسِن إختيار أسلوب و style تصاميمك ل 2021.

و ما تنساش تبعثلنا إنجازاتك على الأنستغرام  tunisie.design