8 قواعد تناقش بيهم المصمم و تقنعو برأيك على خدمتو بكل إحترافة
زعمة كيفاش، و بأي طريقة، و على أي أساس نجمو نحكمو على تصميم و نقولو عليه خايب و إلى مزيان؟ و زعمة عنا الحق نقولوها الكلمة هذي؟
زعمة كيفاش، و بأي طريقة، و على أي أساس نجمو نحكمو على تصميم و نقولو عليه خايب و إلى مزيان؟ و زعمة عنا الحق نقولوها الكلمة هذي؟
aw
مزيان و خايب هوما كلمتين نستعملوهم كي ما نلقاو ما نقولو بش نفرضو رأينا و نظرتنا للحاجة من دون أي مبرر و حجج واضحة و سعات بكل أنانية دون رد إعتبار للشخص لي خدم و تعب عليها. و في آخر المطاف مافماش خدمة مزيانة و خدمة خايببة، أما فما خدمة صحيحة و خدمة تنحم تتصلح.
و هاذم أهم القواعد لي نجمو نحكمو و ناقشو بيهم:
1.التركيبة:
تركيبة مكونات التصميم، كل مكون وين و بأي طريقة موجود حسب أهميتو في الموضوع , وين لازم العين تبع بتدرج من أهم مكون إلى اللأقل أهمية، علما و أنو العين تنجذب لللأشكال اللأكبر، الأقرب، الأوضح، و الألوان اللأكثر saturation. و خاصة لازم تركيبة المكونات الكل يكونو متوازنين.
2.الإستعمال:
التصميم لازموُيرْضِي كل المستعملين، و يستجيب لكل المعايير البسيكولوجية و العملية للمستعمل حسب عمرو، جنسو، الضرف لي هو فيه و وقتاش بش يستعمل المنتوج
و بش نلخصو الحكاية لهنا نحكيو علي UX Design أو تجربة المستعمل
3.Thematic:
يعني الفكرة لي يرتكز عليها التصميم، و لي بش نلقاو فيه ألوان و أشكال، و typography… معينين و إلي لازم تعكسو و ترجمو موضوع التصميم.
4. جودة الصور:
كان التصميم فيه تصاور و icônes لازم تكون جودتهم عالية و ماهمش pixelisés على les supports الكل. و كذلك بالنسبة للنتيجة الأخيرة للتصميم.
5. Typography:
typogrphy لي مالازمش يكونو موجودين بكثرة في support أو charte وحدة، max 2/3 ، خاصة لازم يكونو متناسقين و متماشين مع الموضوع .
6.الألوان:
كيما ال typography الألوان زادة لازم يكونو متناسقين و متماشين مع و الموضوع. و نركزو برشا على ال contraste مابين المكونات لي لازمو يكون .عالي إذا نحبو العين تميز بيناتهم حسب أهمية كل واحد فيهم
7.Trends:
و أكيد التصميم لازمو يكون متماشي مع ال trend بش يوصل لأكثر ناس و الفكرة توصل بطريقة أسهل و أوضح
8.الأسلوب:
تأكد من تناسق كل مكونات التصميم لي لازم ما يضيعوش العين و من المستحسن إنهم يكونو مخدومين ب style واحد، و لي يعكس thématique
و هكا تكون حكمت على التصميم بالصحيح و بكل حرفية من غير ما طيحت من قيمة المصمم و خدمتو، و خاصة وليت تعرف كيفاش تناقش و تقنعو بش يحسن و يصلح في التصميم.
بقلم: سارة قلفاط
