كيفاه تصمم شعار فعال كيما كوكاكولا؟

“نحب شعار يكون efficace و يتفكروه الناس الكل كيما شعار كوكاكولا “

أول جملة نسمعوها كمصممين من عند حرفائنا كي نسئلوهم  “كيفاه تحبو الشعار“، و في المقال هذا بش نفسرو كيفاه تنجمو تلبيو هالرغبة هذي.

قبل ما تزرب و تمشي تحل ال Adobe Illustrator ,أو أي logiciel آخر بش تبدى تخدم الشعار، و قبل حتى مرحلة ال inspiration,  يلزمك قبل كل شئ تحل ال word, وإلا تشد ورقة و قلم، بش تكتب و تلم أكثر معلومات ممكنة على العلامة “marque” لي تخدم عليها.

و حتى كان من الأول جاتك فكرة متاع تصميم أرسمها على ورقة و خليها على جنب, و ما تسئلش حريفك “كيفاه تحبو يكون الشعار” و لكن إطرح عليه الأسئلة التالية:

1. شنوة المشكل لي تخدم عليه العلامة؟ و شنيا الخدمة لي تقدم فيها لحرفائها؟

2. شكونهم حرفاءك؟ ( أعمارهم، جنسينهم، جنسهم، شنوة يستناو من العلامة و علاه بش يستعملو خدماتها، باش مغرومين إلخ… و الهنا ولينا نحكيو على الpersona)

3. شنوة الرسالة لي تحب توصلها الماركة لحرفائها؟ و شنوة القيم لي تتركز عليهم؟

و بعد ما فهمت هذا الكل، في المرحلة هذي تنجم تبدى تخمم في التصميم كيفاه بش يكون، وين تنجم تحدد الألوان و الأشكال و style graphique… و لي لازم يكونو متناغمين و يلخصو قيم العلامة و إنتضارات الحرفاء منها.

كيما مثلا كيف بش تصمم شعارلعلامة تقدم خدمة للألطفال،  أكيد ماكش بش تصمم بالأكحل  و الأبيض مع أشكال ترمز للجدية، خاطر حاجة كيما هكا ما تجلبش إنتباه الأطفال ولكن تنجم  تنجح مع علامة تقدم منتج  فخم.

و هذا الكل نلخصوه في المراحل التالية:

1. ال inspiration وين لازمك تدخل لمواقع تلهمك، و تجيبلك الأفكار، و زادة لازمك تلوج على منافسين العلامة بش تبعد على تكرار الأفكار.

2. إيجاد الفكرة و thématique لي بش يتركز عليها التصميم.

3. تختار نوعية الشعار: Abstrait/ pictogramme/ monogramme….

4. تختار الألوان و نوعية الكتابة “typography”

و في الأخير، ما تبخلش على حريفك و خليلو الحرية في الإختيار بين 2/3 إقتراحات، و حاول وجهو للأفضل حسب نظرتك كمصمم مع حجج بالبحث لي عملتو من الأول.

بقلم: سارة قلفاط