المصمم عنصر مهم في كل القطاعات مادام التصميم من صفات الخالق ما تنجم تكون وظيفة المصمم إلا وظيفة نبيلة لذلك فما حاجات يقوموا بيها بعض المصممين لازمنا نتجنبوها.
كيما قلنا وظيفة المصمم وظيفة نبيلة شنوة الحاجات إلّي يلزم نتجنبوها :
1- الصدق في العمل :
يعني المصمم إلي يقيّم خدمتوا بعدد الساعات لازم بلحق يقوم بوضع عداد يحسب عدد الساعات وهو في طور الانجاز او الالهام بكامل المصدقيّة.
2-الصدق مع العميل :
خصوصا مع العميل اللي مايفهمش في التصميم او كبار السن او اشخاص عندها برشا فلوس و ماتفهم شيء ماعليك كان تحدد السعر المناسب إلي يحقق سعر الأتعاب ومانخذوش أكثر من حقنا.
3- الإلهام و ليس النسخ
معضم الحرفاء مايقموش بالبحث وفي عدة مراة يخلص مصمم بأسعار باهضة على خدمة ولكن في عدة مراة يلقى خدمة مشابهة في عدة أماكن وأحيانا Template موجودة بالمجان. لذلك الحرفيّة و الموهبة شيئان لا ينفصلان.
4- المنافسة الغير شريفة
وهي تتمثل في المتطفلين على القطاع و إلي تتوفر فيهم الصفاة الكل و يقوموا بالتصاميم المنسوخة باسوام رخيصة جدا و يوصلوا صورة للحريف صورة سيءة تتمثل في إنو قطاع التصميم قطاع ساهل غير إحترافي في متناول أي شخص يقوم بالتصاميم.
لكلنا نتمناو الحاجات هذي تتنحا من قطاعنا وهكا نحطوا اليد في اليد و يكون فما تقنين في الاسعار و نطوروا لكلنا من مهاراتنا.
