1,61803398… إكتشف السر إلي وراء الرقم هذا
فيبالك إلي الرقم هذا هو السر لي وراء تناسق وجمالية الطبيعة، ومنها أحنا البشر في تركيبة أجسامنا وتوازنهم.
1.61803398… هو السر لي وراء تناسق و جمالية الطبيعة، و منها أحنا البشر في تركيبة أجسامنا و توازنهم.
الرقم هذا هو زادا السر وراء برشا لوحات فنية و مباني معمارية لي تعملت منذ العصور ما قبل التاريخ و مازالت موجودة إلى يومنا هذا.
و حتى لليوم الرقم هذا مازال يستعمل في برشا مجالات علمية و فنية، و نلقاوه حتى في التصميم بكل أنواعو وين يساعد في تركيبة التصاميم. أما زعمة كيفاش؟ و قبل هذا يلزمنا نفهمو شنية الرقم هذا و شنية سرو بش نجمو نتمكنو منو و نخدمو بيه بالصحيح.
بالعربية يتسمى بالرقم الذهبي، و بالإنجليزية Golden Ratio و بالفرنسيّةِ Nombre d’or.
:في الرياضيات
الرقم هذا يرمزولو ب phi و هو رقم ينتمي للأعداد الصحيحة الغير كسرية (nombre irrationnel) و نتحصلو عليه بالطريقة هذي: فرضا أنو a أكبر من b:
الرقم هذا نلقاوه في “la suite de Fibonacci”
(0,1,1,2,3,5,8,13,21….) وين بش نلقاو كل عدد هو مجموع الزوز أعداد لي قبلو.
:في الهندسة
الرقم الذهبي هو نسبة ( proportion) و معروف بالنسبة الذهبية لي هي نتيجة ال rapport بين أكبر جزء و أصغر جزء. ونجمو نستنتجو منو برشا أشكال منهم:
Rectangle d’or
Triangle d’or
Spirale d’or
و مجموعة من des cercles proportionnels
و الأشكال هاذم الكل بش نستعملوهم برشا في التصميم.
و كانك فهمت هذا الكل أعرف راك توة تنجم تكون من أحسن الفنانين و المصممين
اما هات توة نفهمو كيفاش في الطبيعة الرقم هذا نلقاوه برشا في أشكال النبتات، و نلقاوه زادة في جسم الإنسان.
في التصميم, الرقم الذهبي نجمو نستعملوه ببرشا طرق مختلفة بإستعمال الأشكال لي حكينا عليهم في الهندسة أو بالعملية الحسابية a/b=1.61839 و هذا حسب شنوة بش تصمم.
و إستناونا في مقال قادم بش نفسرو أكثر كيفاش نستعملو الرقم هذا في التصميم
بقلم: سارة قلفاط
