مصطلح Responsive web design ظهر عام 2010
هي تقنية لتصميم واجهة موقع واب “web interface” لي تخلي التصميم يتكيف مع كل أحجام ، الشاشات بصفة تلقائية من حاسوب، هاتف محمول ، لوحة, تلفاز… بطريقة إنو كل الأجزاء تقعد متناسقة ومنظمة في نفس الترتيب، و كل الصور و الخطوط واضحة و تتقرا، في هدف إنو نحسنو من تجربة المستخدم.
لذلك يسهل الخدمة على ال integrateur web، و إلي في عوض ما بش يخدم خدمة لكل نوع و حجم متع شاشة، لنفس صفحة الواب، بال responsive بش يخدم الموقع و يكتب ال code مرة فقط. وين الهنا تجي مهمة المصمم و إلي لازمو يصمم الموقع بتقنية grid, لي بش تخلي التصميم يتكيف تلقائيا مع كل الشاشات.
إذن responsive web على الهاتف الذكي أو على اللوحة، موش هو التطبيق لي نزلوه. برشا ناس تغلط بيناتهم، لذلك ال responsive web هو نفسو موقع الواب لي تحلو من الحاسوب نفسو من الهاتف بنفس الرابط “lien”، و التطبيق هو لي نزلوه على الهاتف و لي سعات ما يستحقش connexion و ما نجموش نزلوه على
الحاسوب، إلا إذا كان التطبيق فيه نسخة للحاسوب كيما مثلا skype.
علاش الresponsive مهم؟ كيما نعرفو في الأعوام إلي فاتت و خاصة بداية من 2015 عدد إلي يستعملو في مواقع الواب على الهواتف الذكية فات برشا عدد لي يستعملو في الحواسيب، لذلك من المهم إنك كمصمم واب تخمم في نسخة التصميم على شاشة الهاتف. و هذه دراسة قامت بيها seo.fr
بقلم: سارة قلفاط
