شنوة هي الThumb Zone ؟
مصطلح هذا هو الأساس في تجربة المستخدم User Experienceوإلي هو يرمز للمساحة إلي بش يتنقل فيها إصبع الإبهام ( بسهولة، بصعوبة طفيفة أومناطق يصعب الوصول ليها بيد وحدة) عند إستعمال الهواتف الذكيّة Smartphone بالاساس.
شنوة الغاية من الخطة هذي Thumb Zone؟
الخطة إنه صاحب التطبيق أو المطورهو إلي يقررلك شنوه بش تقوم من مهام في التطبيق بطريقة غير مباشرة. يحط على ذمة المستخدم الأزرار والمهام الرئيسية إلي يحبك تستعملهم بكثرة كيما تطبيقات الWhatsApp Messenger, يحبوك مباشرة تبدا محادثة وبالتالي أسهل زر هو بدأ محادثة أو ناخذوا على سبيل المثال تطبيق الinstagram إلي يخليوك مباشرة تنغمس مع الفرجة و تنسى حتى علاش دخلت للتطبيق. وكل التطبيقات هذي تتشارك في نفس النقطة دائما وهي يبعدوا عليك كل حاجة ميحبوكش تقوم بيها كيما قفل الحساب Log outومسح الحساب Delete my accountلدرجة يتم فيها إلغاء كل معايير تجربة المستخدم
