الكلنا نحبو نتعلمو كل يوم حاجة جديدة أو حيل في التصميم بش نطورو من قدراتنا و مستوانا في هذا المجال إلي مغرومين بيه. ولكن شكون منكم تسائل زعمة كيفاه و منين و كيفاه بدات حكاية التصميم الغرافيكي. وهذا إلي بش نكتشفوه في مقالنا اليوم.
38.000 قبل الميلاد
في المرحلة هذي بش نرجعو بيكم إلى مرحلة ما قبل التاريخ. و كيمانعرفو وقتها الإنسان كان يتواصل بالنحت أو الرسم على الحجر.
السومريون في 3000 قبل الميلاد
في المرحلة هذه من التاريخ إخترع السومريون حاجة من غيرها ما كنتش تنجم تقرى بيه المقال هذا أو بكل بصاطة ما كنتش تنجم تقرى حتى شئ، لأن السومريون إخترعو مفهوم “concept” الكتابة و قرآة الكلمات ووقتها كانت كلماتهم في شكل أيقونات
الصين في 200 بعد الميلاد
وين كانت الصين عندها دور كبير في التطور و إكتشاف مفهوم الطباعة بتقنية ال “tampon”. والتقنية هذي ماكان ش يستعملوهاها كان على الورق و لكن زادة على ملابسهم بالحرير وين كانو يطبعو عليهم أشكال للزينة
العرب عام 700
الكتابة أو typography بدات تتطور وين ظهرو برشا كتيبات بأشكال و أنماط مختلفة و هذا في هدف إنو كل كتاب يتميز على الآخر. وهذا خاصة كان متطور جدا في الثقافة العربية الإسلامية في الكتابات الدينية و مع ذلك يزيدو لمسة فنية برسومات تعبر على ماهو مكتوب بألوان و أشكال مختلفة.
أوروبا في 1100
ظهور concept الشعار logo في ثقافة البلدان الأوروبية وين كان الحكم الملكي طاغي و كل مملكة تعمل شعار خاص بيها و إلي يعبر على قوتها.
أنڨلترا في 1389
. ظهور أول affiche urbaine للإشهار بماركات الجعة، وين وقتها كانو يوصلو يعوضو الماء بالجعة بسبب إنو كان ما غندهمش ماء صالح للشرب، لذلك الملك متاعهم Richard II, عمل قانون يحبر ماعامل الجعة إنهم يحطو ملصقاتهم في الشوارع بش العباد تعرفهم و تلقاهم بسهولة.
الطباعة في 1739
صحيح حكينا على إكتشاف الطباعة في الصين و لكن ما كانتش متطورة بالمعنى الكافي ، وين ماكانوش قادرين على طباعة آلاف النسخ في مدة قصيرة، هذاكا علاه عمكم Johannes Gutenberg هز مفهوم الطباعة إلى ما أبعد وولات صناعة industrie.
1620 الإشهارات
أول ظهور للإعلانات الإشهارية مطبوعة بكمية مهولة.
1922 design graphique
ظهور كلمة تصميم غرافيكي في مقال « New Kind of Printing Calls for New Design » منشور في جريدة Boston Evening للمصممWilliam Addison Dwiggins وين كان أول إنسان إستعمل لفظ “graphic design” و ذلك في غرض إنو يفسر دوره في هكلة و إدارة الصور للكتب أو بالأحرى كمصمم
و موش كان هذا فقط، و لكن بش ما نطولوش عليكم في المقال هذا حكينالكم على كيفاه ظهر التصميم و في مقال لاحق بش نحكيولكم كيفاه تطور هذا المجال في ظل التطورات التكنولوجية.
بقلم سارة قلفاط
